उम्मेद

सतत ओठांवर हसू असुदे
डोळ्यात उम्मेदीचे आसू असुदे !!
ओघळतील गालांवर अलवार
हर थेंबात नवी स्वप्न वसुदे !!

असूदेत हृदयात विश्वास खरा
जिव्हाळ्याचा ठोका न चुकलेलाच बरा !
मनात कुठेही शंका नको
मनगटात उम्मेदीचा ज्वर असुदे !!

सुंदर मनाशी मैत्री ठेव
निर्जीव जगण्याशी अंतर ठेव !
खूप असुदे आशा-अपेक्षा
स्वतःशी नको स्वतःची उपेक्षा !!

रंगव चिञ जे पुसणार नाही
नसेल रंगीत, पण कधीच रुसणार नाही !!
जुन्या सवंगड्यांशी नाळ तोडू नको
हर छंदाला तान्हाचं सोडू नको !!